அஞ்சல் கட்டணம் உயர்வு: நாளை முதல் அமல் 📮📈
அஞ்சல் துறை, திங்கட்கிழமை (பிப்ரவரி 9) முதல் அஞ்சல் கட்டணங்களை உயர்த்துவதாக அறிவித்துள்ளது.
இதன்படி, குறைந்தபட்ச அஞ்சல் கட்டணம் ரூ.70 ஆக உயர்த்தப்பட்டுள்ளது. திருத்தப்பட்ட கட்டண அமைப்பு உடனடியாக அமலுக்கு வரும் என துறை தெரிவித்துள்ளது.
இந்த முடிவு, அஞ்சல் சேவை கட்டணங்களை மறுசீரமைக்கும் நடவடிக்கையின் ஒரு பகுதியாக எடுக்கப்பட்டதாக அதிகாரிகள் கூறியுள்ளனர். இருப்பினும், பிற கட்டண மாற்றங்கள் குறித்த கூடுதல் விவரங்கள் இதுவரை வெளியிடப்படவில்லை.
நாளை முதல் அஞ்சல் சேவைகளை பயன்படுத்தும் பொதுமக்கள் புதிய கட்டணங்களை கவனத்தில் கொள்ளுமாறு அஞ்சல் துறை கேட்டுக்கொண்டுள்ளது.
